1282. März 13. Breslau.

Bischof Thomas bezeugt, dass Propst Dominikus gegen den Abt Hartlieb von Leubus auf gewisse Zehnten verzichtet, und dass sie wegen des von Leubus erlittenen Schadens auf Schiedsrichter compromittirt haben.

In Nomine, Domini Amen. Nos Thomas dei gratia Episcopus Wratizlaviensis Scire volumus unirersos ad quos presens scriptum fuerit devolutum, quod cum inter fratrem Hartlibum Abbatem et Conventum Monasterii de Lubens Cystertiensis ordinis ex parte una, et fratrem Dominicum Prepositum de Bosidom ordinis Premonstratensis ex altera, orta esset et verteretur super decimis harum villarum, videlicet de Wroblino, de Saberouo, de Cromolouiz, de Grocholube, de Straduna, de Brosez, de Susel, et de Valez, controversia sive quedam materia questionis. Tandem partibus in nostra presentia constitutis, prefatus frater Dominicus Prepositus de Bosidom cessit et renunciavit expresse omni iuri et actioni siqua in decimis predictarum villarum sibi competere videbatur. Confessus est etiam publice decimas easdem ad Monasterium suum videlicet in Bosidom minime pertinere, promittens quod supradictos, Abbatem et Conventum Lubensem, nec verbo nec facto deinceps occasione dictarum decimarum aliquatenus molestabit. Sed quod ipsi scilicet Abbas Lubensis et Conventus suus, eorumque Successores eas quiete ac pacifice semper debeant possidere. Super dampnis vero que predictus Abbas et suus Conventus in decimis prefatarum villarum pertulerant multis annis, in viros providos et discretos, dominum Sbrozlaum Prepositum Ecclesie nostre et Magistrum Henricum de Calcow pro bono pacis tamquam in arbitros seu amicabiles compositores, per pretatos, Abbatem et Conventum de Lubens, et fratrem Dominicum Prepositum de Bosidom, ex utraque parte extitit compromissum, ad quorum arbitrium sive dispositionem, quicquid iniurie sepedicti Abbas et Conventus hactenus in ipsis decimis pertulerant, memorato Dominico Preposito totaliter indulserunt. In cuius rei testimonium et munimen, Sigillo nostro rogati presentem paginam fecimus communiri. Actum et datum Wratizlavie in Caminata nostra Episcopali, iii°. Idus Martii, Anno Domini m°. cc°. lxxx°. Secundo, Presentibus dominis, Sbrozlao Wratizlaviensi, et Magistro Symone Opoliensi, Prepositis, Jacobo Gosuini domino Legum, Magistro Henrico de Calcow, Magistro Loduico de Lemberch, domino Helya Canonico Wratizlaviensi et Plebano de Niza, Et aliis quamplurimis fidedignis.

Aus dem Original des Stiftes Leubus, mit anhangendem Siegel des Bischofs, und der alten Aufschrift: Protestatio Domini Thome Episcopi Wrat. super recuperatione decime willarum, quam occupaverat prepositus de Bosidom multis annis.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.